Pas Real Madrid dhe Atletico, Kupa e Mbretit rrezikoi të humbasë edhe Barcelonën. Skuadra e Ronald Koeman mundi në çerekfinale Granadën me rezultatin 5-3, vetëm pas kohës shtesë, por kundërshtari i Napolit në raundin e 32 të Ligës së Europës e kishte prekur kualifikimin në kohën e rregullt, duke u dorëzuar vetëm në dy minutat e fundit.

Ishte një lojë në të cilën ndodhi gjithçka: një katastrofë mbrojtëse (gabimi i Umtiti) i hapi rrugën Kenedy, i cili zhbllokoi rezultatin në pjesën e parë, pastaj në fillim të pjesës së dytë Soldado i përjetshëm e dyfishoi. Katalanasit u dukën të kapitulluar, por rifuten në lojë në finale (88 ’), falë një autogoli, dhe më pas gjejnë barazimin e papritur me Jordi Alba 92′.

Koha shtesë është edhe më emocionuese: avantazhi i Blaugrana me Griezmann, barazohet menjëherë nga vendasit me një penallti të akorduar për një faull nga Dest dhe i transformuar në gol nga Fede.

Në minutën e 108-të, arrin 4-3 i de Jong, në minutën e 113-të Jordi Alba nënshkruan dopietën e tij personale dhe mbyll ndeshjen. Në gjysmëfinale, pas Levante dhe Sevilla, shkon Barcelona.