Atletico Madrid “blindon” kreun, 2-0 përballë Sociedad

Spanjë | 6 vite më parë

Golat e shënuar në pjesën e dytë nga Mario Hermoso dhe Marcos Llorente i kanë dhënë Atletico Madrid një fitore 2-0 në fushën e Sociedad, duke bërë që të distancohen me tri pikë nga ndjekësi më i afërt, Real Madrid.

Skuadra e trajnerit Simeone arriti të shënojë golin e parë në minutën e 49-të me anë të Hermoso, i cili goditi bukur me kokë. Goli i dytë, që i dha qetësinë skuadrës u shënua në minutën e 74-ët nga Llorente, që goditi saktësisht në hyrje të zonës.

Me këtë fitore Atletico është ngjitur në kuotën e 32 pikëve, 10 fitore në 13 ndeshje të luajtura. Ndërkohë, ndjekësi më i afër, Real Madrid ka një ndeshje më shumë.

Nga ana tjetër, Sociedad mbetet në vendin e tretë, por i duhet të gjejë një mënyrë për të përmirësuar situatën aktuale, pasi kanë humbur tri ndeshjet e fundit dhe kanë barazuar në tri të mëparshmet.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.