Nora Gjakova, e artë në Baku

Sporte të tjera | 3 vite më parë

Nora Gjakova, e artë në Baku të Azerbajxhanit. Në Grand Slamin e xhudos, sportistja kosovare arriti majat në peshën deri në 57 kilogramë duke mposhtur në finale gjeorgjianen Eteri Liparteliani. Është e arta e parë për Norën në garat e mëdha të xhudos që nga Lojërat Olimpike të Tokios.

E nisi ditën me fitore ndaj gjermanes, Seija Ballhaus. Më pas e kishte radhën polakja, Arleta Podolak. Në çerekfinale mposhti francezen, Priscilla Gneto, ndërsa në gjysmëfinale turken Hasret Bozkurt.

Ndërkohë, Distria Krasniqi ka arritur të marrë medaljen e argjendtë duke u ndalur në finale nga japonezja, Kisumi Omori në peshën deri në 52 kg.

Në raundin e dytë Krasniqi mposhti brazilianen Jessica Pereira, ndërsa në çerekfinale marokenën Soumiya Iraoui. Në gjysmëfinale kaloi italianen Odette Giuffrida, ndërsa u mposht në finale nga japonezja Omori.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.