Ish-kampioni i botës: Dua të dueloj ndaj atij që t’ia mbyll gojën

Ish-kampioni i botës në peshën e rëndë, boksieri meksikian Andy Ruiz Jr ka deklaruar se dëshiron të përballet me çdo kusht me britanikun Dillian Whyte. Meksikani kërkon t’ia mbyllë një herë e mirë gojën rivalit, pas deklaratave që Whyte ka bërë kundër Ruiz.
Dillian Whyte ka deklaruar më herët se i ka ofruar 5 milionë dollarë Andy Ruiz për t’u përballur së bashku, por meksikani ka refuzuar. “Unë kam disa prioritete në karrierën time dhe shpresoj t’i realizoj ato. Dua të befasoj sërish botën, por dua të vë edhe pak drejtësi”, tha Ruiz.
“Të gjithë e dinë që dua të dueloj ndaj Fury apo sërish ndaj Joshua. Por dua edhe të përballem me Dillian Whyte dhe t’ia mbyll gojën, pasi flet shumë dhe thotë gjëra të pasakta për mua. Shpresoj ta arrijmë një marrëveshje për t’i treguar atij se kush jam unë”, tha Ruiz.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




