U takua me Djokovic, ylli i NBA-së pozitiv me koronavirus

Sporte të tjera | 6 vite më parë

Basketbollisti serb Nikola Jokic, që luan me skuadrën e Denver Nuggets në NBA, ka rezultuar pozitiv me Covid-19. Shtatlarti serb ndodhet aktualisht në vendlindjen e tij, në Beograd dhe ditët e fundit ka qenë me tenistin Novak Djokovic, që dje doli pozitiv me koronavirus.

Dy yjet e sportit serb janë takuar disa herë mes tyre ditët e fundit dhe duket se kjo ka sjellë infektimin e lojtarit të NBA-së. Për pasojë, Jokic nuk mund të udhëtojë drejt Amerikës për të nisur grumbullimin me ekipin e tij.

Sipas ESPN, basketbollisti është asimptomatik, çka mund ta lejojë që të udhëtojë vetëm pas disa ditësh, me një avion privat dhe në kushte të rrepta sigurie. Lojtari aktualisht ndodhet në karantinë në shtëpinë e tij, izolim që do të vijojë edhe pasi të mbërrijë në Denver.


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme