Mazhoranca ka miratuar e vetme kryetarët e 7 komisioneve të përhershme të Kuvendit që drejtohen nga PS, si dhe nënkryetarët e sekretarët e tyre.

Në seancën që zgjati vetëm pak minuta, në sallë ishte e pranishme vetëm shumica, e cila me 77 vota pro dhe 1 kundër miratoi drejtuesit socialistë të komisioneve parlamentare.

Opozita nuk mori pjesë në votim, ndonëse më herët grupi parlamentar i Partisë Demokratike kishte miratuar emrat e saj për 4 komisionet që i takojnë opozitës.

Kryetarët e komisioneve nën drejtimin e PS

Ekonomia, Punësimi dhe Financat – Milva Ekonomi (nënkryetar: Erion Braçe)

Çështjet Ligjore dhe Administrata Publike – Ulsi Manja (nënkryetar: Damian Gjiknuri)

Çështjet e Brendshme dhe Mbrojtja – Bledi Çuçi (nënkryetar: Olta Xhaçka)

Burimet Natyrore, Infrastruktura dhe Zhvillimi i Qëndrueshëm – Anila Denaj (nënkryetar: Blendi Klosi)

Bujqësia, Ushqimi dhe Zhvillimi Rural – Blendi Klosi (nënkryetar: Fadil Nasufi)

Evropa dhe Punët e Jashtme – Igli Hasani (nënkryetar: Bora Muzhaqi)

Nismat Qytetare, Bashkëpunimi dhe Mbikëqyrja Institucionale – Fatmir Xhafaj (nënkryetar: Ermal Elezi)

Gjithashtu, PS miratoi edhe nënkryetarët e saj në komisionet që i drejton opozita:

Evis Kushi – për Komisionin e Edukimit, Shkencës dhe Sporteve

Eduard Shalsi – për Komisionin e Shëndetësisë dhe Mirëqenies Sociale

Eriona Malja – për Komisionin e Kulturës, Turizmit dhe Diasporës

Iris Luarasi – për Komisionin e të Drejtave të Njeriut dhe Mjeteve të Informimit Publik

Edhe pse nuk ishte prezente dhe nuk i dorëzoi emrat në Kuvend, gjatë ditës së sotme, grupi parlamentar i PD ka vendosur që në krye të komisioneve parlamentare që i takojnë opozitës të jenë:

Ina Zhupa – Komisioni për Kulturën, Turizmin dhe Diasporën

Jorida Tabaku – Komisioni për të Drejtat e Njeriut dhe Mjetet e Informimit Publik

Bardh Spahia – Komisioni për Shëndetësinë dhe Mirëqenien Sociale

Luçiano Boçi – Komisioni për Edukimin, Shkencën dhe Sportet

Më herët, Parlamenti miratoi ndryshimet në strukturën e komisioneve të përhershme parlamentare, duke e rritur numrin e tyre nga 8 në 11. Miratimi ndodhi vetëm me votat e mazhorancës, pasi opozita kundërshtoi ndryshimin e rregullores duke i cilësuar si të njëanshme, ndërsa gjatë votimit u largua nga salla.

/rtsh.al/