Pas Fernandez edhe Caisedo “flirton” me Real-in, mesfushori për gazetën spanjolle: Të ardhmes nuk i dihet kurrë!

Merkato | 7 muaj më parë

Chelsea ka një problem të madh. Lojtarët e paguar miliona euro para pak vitesh po bëjnë gjithçka për t’u larguar nga “Stamford Bridge”. Pak ditë më parë Enzo Fernadez, i cili i kushtoi arkave të klubit rreth 120 milionë euro, la të kuptohej se kërkonte që të transferohej në Spanjë ku Real-i i Madridit është gati ta afrojë në ekip.

Për vendin vakant në “Bernabeu” ka treguar interes edhe Moises Caisedo. Kolegu i repartit i Fernandez, i cili u ble nga Chelsea për gati 145 milionë euro, gjatë një interviste për “AS”, i është përgjigjur kështu gazetarit që e pyeti nëse do të dëshironte një ditë të luante për Real-in: “Kam një kontratë me Chelsea-n. E vërteta është se nuk kam menduar sinqerisht për një klub tjetër, për t’u larguar nga Londra, por në fund të fundit, në futboll nuk i dihet kurrë”.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.