Protestuesit janë mbledhur sërish ditën e sotme në Tiranë, duke marshuar drejt Ministrisë së Arsimit në kuadër të protestave të zhvilluara ditët e fundit.

Studentët dhe qytetarët kanë nisur marshimin përgjatë Rrugës së Dibrës, për të mbërritur më pas përpara godinës së Ministrisë së Arsimit. Ky është itinerari që protestuesit kanë ndjekur edhe në protestat e mëparshme.

Përpara ministrisë, efektivët e Policisë kanë vendosur një kordon sigurie për të mbajtur nën kontroll situatën. Deri më tani, protesta po zhvillohet e qetë dhe nuk raportohen incidente.

Pas ndalimit përpara Ministrisë së Arsimit, pritet që protestuesit të vijojnë marshimin drejt Kryeministrisë, ashtu siç kanë bërë edhe në tubimet e mëparshme.

Pjesëmarrësit në protestë vijojnë të kërkojnë largimin e kryeministrit Edi Rama, ndërsa kanë refuzuar për të disatën herë radhazi thirrjet e tij për dialog për adresimin e problematikave të ngritura prej tyre.

/rtsh.al/