Paketat e reja të ndihmave/ Zelensky: Javën e ardhshme takime me partnerët europianë

Europë | 1 orë më parë

Presidenti ukrainas Volodimir Zelensky ka njoftuar se në javët e ardhshme do të ketë angazhime të reja me vendet e mëdha europiane.

“Do të angazhohemi në komunikime të reja me vende të fuqishme europiane në javët e ardhshme,” tha Zelenski në një adresë video të mbrëmjes së së martës.

Ai theksoi se Ukraina po koordinon përpjekjet me partnerët europianë për të siguruar paketa të reja mbështetjeje dhe për të organizuar takime diplomatike.

Sipas presidentit, Ukraina pret me padurim një takim tresh mes përfaqësuesve të Ukrainës, Shteteve të Bashkuara dhe Rusisë në nëntor dhe këmbëngul që Europa të jetë e pranishme në të gjitha proceset diplomatike dhe vendimmarrjet.

“Që askush të mos mbetet jashtë procesit. Dua të falënderoj të gjithë ata që janë të angazhuar aktivisht dhe na ndihmojnë,” shtoi ai.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.