Barcelona, Raphinha zgjat kontratën deri në vitin 2030

Futboll Bota | 36 minuta më parë

Raphinha ka arritur marrëveshjen për një kontratë të re me Barcelonën, e cila do ta lidhë sulmuesin brazilian me klubin spanjoll deri në vitin 2030. Kontrata e tij e mëparshme skadonte në vitin 2028.

29-vjeçari është afirmuar si një lojtar i klasit botëror që nga mbërritja e tij te Barcelona nga Leeds-i në vitin 2022. Ai ka kontribuar në suksesin e ekipit për fitimin e tre titujve të La Liga-s — përfshirë dy të fundit — duke spikatur në vijën e sulmit përkrah Lamine Yamal-it.

Aktualisht, ai po kalon një sezon të jashtëzakonshëm, duke u bërë pika kryesore e sulmit të skuadrës. Ai ka shënuar 19 gola në 13 ndeshje në të gjitha kompeticionet, përfshirë 15 gola në La Liga, ku aktualisht është golashënuesi më i mirë.

Barcelona

Raphinha

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.