Deputetja e Partisë Socialiste, Sara Mile, është paraqitur këtë të mërkurë në ambientet e Prokurorisë së Posaçme, ku është marrë në pyetje për disa minuta.

Pas daljes nga institucioni, Mile ka dhënë një prononcim për mediat, ku konfirmoi se kishte dhënë dëshminë e saj, duke theksuar se është thirrur në cilësinë e personit në dijeni për çështjen.

“Dua të theksoj se në organet e drejtësisë nuk vihet vetëm për atë që dini, por vihet edhe për përgjegjësi publike e politike. Shumë baltë është hedhur mbi mua nga politika e vjetër. Ka një sekret hetimor, jam person në dijeni, kam dhënë dëshminë time dhe kam përshtypjen se kalvari i gjatë i hedhjes së baltës nga politika e vjetër do të përfundojë. Do të jem këtu sa herë të jetë e nevojshme. Unë besoj te ligji”, deklaroi Mile.

Deputetja nuk dha detaje të tjera lidhur me çështjen, duke iu referuar sekretit hetimor, ndërsa u shpreh e gatshme të paraqitet në SPAK sa herë që do të jetë e nevojshme.

/rtsh.al/