Miratimi i ligjit të ri për Bankën e Shqipërisë shënon një hap të rëndësishëm drejt përafrimit me standardet evropiane në fushën e politikës monetare.

Në Progresraportin 2026, Komisioni Evropian vlerëson forcimin e garancive për pavarësinë e vendimmarrjes monetare dhe përmirësimin e qëndrueshmërise se sektorit bankar. Eksperti i ekonomisë, Vjoldi Danaj, shpjegon rëndësinë e këtyre vlerësimeve dhe kushtet ekonomike në të cilat ato vijnë.

“Ka pasur një rritje të suksesit financiar dhe monetar në Shqipëri. Ka pasur një ulje të kredive të dëmtimit i cili ka arritur në nivel 3.8%. Kjo si një sinjal është i fortë i një kontrolli dhe mirëmenaxhimi nga ana e Bankës së Shqipërisë dhe nga ana tjetër ka pasur një avancim edhe drejt një lloj tjetër të Bankës së Shqipërisë.”

Sipas Danajt, vlerësimi i Komisionit Evropian pasqyron jo vetëm ndryshimet ligjore, por edhe një marrëdhënie më korrekte ne financimin e sektorit publik.

“Normalisht qeveritë kanë nevojë për financime, por kjo do t’i detyrojë qeveritë që të një pjesë të mirë të këtyre financimeve ta marrin pikërisht nga projektbxhetet. Pra, i detyron në një mirëmenaxhim të të gjithë parave të qytetarëve.”

Politika e ndjekura, sipas ekspertit, kanë ndikuar në forcimin e rezervës valutore, ndërsa përafrimi me politikat e Bankës Qendrore Evropiane kontribuon në garantimin e stabilitetit financiar dhe monetar.

“Ligji i ri e detyron ose edhe me sugjerimin e Bashkimit Europian një rritje të rezervave. Këto japin një lloj garancie dhe stabiliteti financiar dhe monetar vendit. sepse po t’i shikojmë në të gjithë Bashkimin Europian, pavarësisht se bankat qendrore e kanë humbur autonominë duke pasur një monedhë të përbashkët, janë mbrapa me garancë e investimeve dhe pjesës së politikës monetare dhe financiare të shteteve.

Progres Raporti evidenton gjithashtu modernizimin e sistemit të pagesave, përmes transfertave më të shpejta dhe efikase, uljes së kostove të pagesave ndërkufitare dhe zhvillimit të infrastrukturës elektronike. Paralelisht, forcimi i mbikëqyrjes synon të garantojë më shumë siguri dhe qëndrueshmëri në sistemin financiar.

/rtsh.al/