Transporti i karburanteve në vend do të monitorohet përmes një sistemi të ri plumbçash elektronike që synon të forcojë kontrollin por edhe të luftojë kontrabandën dhe evazionin fiskal.

Sistemi i ri do të aplikohet në të gjitha autocisternat që transportojnë hidrokarbure dhe përmes plumbçave. elektronike mundohet edhe gjurmimi i lëvizjes se tyre, nga hyrja në territorin shqiptar deri në dalje nga vendi ynë.

Gjatë inspektimet në Porto Romano, Ministri i Financave, Petrit Malaj theksoi se mekanizmi i ri do të lehtësojë procedurat për operatorët ekonomike si dhe do të ulë kostot operacionale të administratës doganore.

E para, mbrojtjen e të ardhurave publike. E dyta, rritjen e eficiencës për operatorët ekonomikë. E treta, uljen e kostove operacionale për doganat, të cilat do të duhet të shoqëronin botet përgjatë gjithë territorit shqiptar. Dhe e katërta, luftën kundër evazionit dhe kontrabandës që ndodh brenda territorit shqiptar.

“I gjithë sistemi i ri që po prezantohet në procesin e tranzitit të hidrokarbureve nëpërmjet territorit të Shqipërisë sjell katër avantazhe kryesore”, u shpreh ministri i Financave.

Sistemi e-Seals, që do të aplikohet në autocisternat që transportojnë hidrokarbure duke mundësuar gjurmimin e tyre nga pika e nisjes deri në destinacion, shënon një risi në kontrollin doganor të këtij sektori.

/rtsh.al/