Ish-anëtarët e KPA-së kërkojnë rritje page/Ankim në Kushtetuese për njohjen e përfitimeve financiare që nga 1 prilli 2023

Aktualitet | 13 minuta më parë

Gjashtë ish-anëtarë të Kolegjit të Posaçëm të Apelimit i janë drejtuar Gjykatës Kushtetuese, duke kundërshtuar ligjin e ri për pagat e magjistratëve. Albana Shtylla, Ina Rama, Mimoza Tasi, Natasha Mulaj, Rezarta Schuetz dhe Sokol Çomo kërkojnë shfuqizimin e pjesshëm të dispozitave që i përjashtojnë nga përfitimet financiare të rritjes së pagave të gjyqtarëve dhe prokurorëve.

Ish-anëtarët e KPA-së argumentojnë se gjatë ushtrimit të mandatit gëzonin statusin e gjyqtarëve të Gjykatës Kushtetuese dhe, për këtë arsye, duhet të përfitojnë nga ndryshimet ligjore. Ata kërkojnë që rritja e pagave të zbatohet edhe në mënyrë prapavepruese, duke nisur nga 1 prilli 2023.

Sipas ligjit të ri, paga referuese parashikon një rritje sa 2 për qind e pagës së Presidentit, ndërsa ish-anëtarët pretendojnë se duhet të përfitojnë një nivel nëntë herë më të lartë. Ata kërkojnë gjithashtu që ankimi i tyre të shqyrtohet së bashku me atë të shoqatave të gjyqtarëve dhe prokurorëve. Gjykata Kushtetuese ka caktuar datën 2 dhjetor për zhvillimin e seancës publike.

Gazetare: Lusi Përgjegji

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme