Durrës-Trafik armësh dhe mosdeklarim të parave, në pranga italiani, në hetim 31-vjeçari

Aktualitet | 3 vite më parë

Një shtetas italian ka rënë në pranga dhe një tjetër është proceduar penalisht nën akuzën e trafikut të armëve të zjarrit dhe mosdeklarim të parave në Portin e Durrësit.

Në pranga ra 66- vjeçari Giovanni Bedini, pasi u kap me armë zjarri dhe municione me qëllim trafikimin drejt Italisë, ndërsa ka nisur procedimi në gjendje të lirë për 31 vjeçarin E. H., për veprën penale “Mosdeklarimi në kufi i të hollave dhe i sendeve me vlerë”.

Sakaq u sekuestruan 1 armë zjarri automatik, municion luftarak, 16 300 euro dhe 100 paund.

Materialet procedurale i kanë kaluar Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.