Digjet banesa në Shkodër, shkak cigarja. Humb jetën 52-vjeçari, shpëton bashkëshortja dhe djali i tij

Aktualitet | 3 vite më parë

Një zjarri i rënë në një banesë në Shkodër i ka marrë jetën një 52-vjeçari, ndërsa ka mundur të shpëtojë bashkëshortja dhe djali i tij. Zjarri ka rënë në orën 02:10, në lagjen Zogaj, ndërsa shkak mendohet të ketë qenë një cigare e ndezur.

Nga flakët është djegur plotësisht banesa, ku nuk ka mundur të dalë 52-vjeçari Jakup Çotaj, ndërsa bashkëshortja dhe djali i tij kanë mundur të dalin nga banesa pa pësuar dëmtime nga zjarri.

Burime nga zjarrfikësja bëjnë me dije se shkak i zjarrit ka qenë një cigare e ndezur, të cilën 52-vjeçari po e konsumonte në katin e dytë të banesës. Dyshohet se 52-vjeçari e ka zënë gjumi teksa po shikonte televizor.

Bashkëshortja dhe djali i tij ishin në katin e parë të banesës, të cilët kanë mundur të shpëtojnë të pa lënduar nga flakët.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.