Analisti Neritan Alibali ka debatuar me juristen Brisida Gjikondi mbi akuzat e fundit të kreut të SPAK-ut ndaj Policisë së Shtetit se strukturat e saj bashkëpunojnë me krimin e organizuar.

Sipas Alibalit, kjo është më shumë një xhelozi institucionale. Ndërsa vuri në dukje se është e çuditshme që nuk ka ende një reagim nga ana e Policisë së Shtetit dhe Ministrisë së Brendshme.

Nga ana e saj, Gjikondi tha se nuk është çështje xhelozie por fakti që krimi i organizuar blen personat në radhët e Policisë së Shtetit.

Debati:

Neritan Alibali: Dumani e di se faji nuk është kolektiv. Nuk do të thotë se e gjithë policia është e korruptuar. Unë më tepër e shoh si një përplasje, apo xhelozi institucionale midis SPAK-ut dhe Policisë.

Brisida Gjikondi: Krimi i organizuar nuk vret policë, por i blen. Koka e drogës dhe kokat e krimit të organizuar në Shqipëri kanë imunitet absolut.

Neritan Alibali: Janë dy elementë që më kanë bërë përshtypje, së pari asnjë reagim nga Policia e Shtetit për akuzën e Dumanit dhe asnjë reagim nga Ministria e Brendshme dhe qeveria. Atëherë pranohet që  është e vërtetë që strukturat e luftës kundër krimit janë të korruptuara, pasi Dumani tha se janë jo të lidhura por në bashkëpunim me krimin e organizuar.  

/rtsh.al/