Nga ambjentet e paraburgimit për në gjykatën e Posaçme u shoqëruan për të marrë pjesë në seancën e verifikimit të masave të sigurisë tre ish drejtorët e Bashkisë së Tiranës Mariglen qato, Redi Molla dhe Taulant Tushe ky i fundit i arrestuar më herët edhe për dosjen e inceneratorëve.

Ndërkohë nga ana tjetër e godinës për tu njohur me masat më të lehta si ajo e detyrim paraqitjeje, dolën para gjykatës zyrtarët e tjerë  të dosjes “5D”, me kompaninë që dyshohet se ka fituar me dhjetëra tenderë.

SPAK pretendon se pronarë indirekt të kësaj kompanie janë dy ish- drejtorët Redi Molla dhe Mariglen Qato dhe kjo kompani rezulton të ketë fituar miliona lekë në tenderat nga institucionet që vetë drejtonin.

Molla dhe Qato akuzohen për korrupsion në 9 raste. Por dy ish -drejtorët kanë mbajtur qëndrim mohues brenda në sallë.

Gjykata vendosi të mos ndryshojë asnjë nga 8 masat e sigurisë të nxjerraa më herët, ndërsa për njërin prej tyre nuk u komunikua masa e detyrimit për tu paraqitur pasi rezulton jashtë shteti.

/rtsh.al/