Shefi i Shtabit të Përgjithshëm të Forcave të Armatosura, gjeneral major Arben Kingji, së bashku me Të Ngarkuarin me Punë në Ambasadën Amerikane, David Wisner ndoqën nga afër demonstrimin e përgatitur nga operatorët e forcave speciale amerikane dhe forcave speciale shqiptare, në kuadër të përfundimit të stërvitjes “JCET- 1 / 24”.

Kingji shprehu mirënjohje ndaj SHBA për mbështetjen ndaj FASH.

“Bashkë me të Ngarkuarin me Punë në Ambasadën Amerikane z.David Wisner ndoqëm nga afër demonstrimin e përgatitur nga operatorët e Forcave Speciale Amerikane dhe Forcave Speciale Shqiptare, në kuadër të përfundimit të stërvitjes “JCET- 1 / 24”. Mirënjohje aleatit tonë strategjik, Shteteve të Bashkuara, për mbështetjen dhe zgjerimin e marrëdhënieve të bashkëpunimit ushtarak me qëllim rritjen e kapaciteteve të Forcave të Armatosura në realizimin e detyrimeve kombëtare dhe ndaj Aleancës”, shkruan Kingji në një reagim në platformat sociale.

/rtsh.al/