Kavajë-Dhunuan dhe tentuan të vrisnin të riun, në pranga 30-vjeçari, në kërkim vëllai i tij

Aktualitet | 3 vite më parë

Një 30-vjeçar është arrestuar dhe është shpallur në kërkim vëllai i tij, pasi tentuan të vrisnin një 25-vjeçar. Ngjarja ka ndodhur në Kavajë, pas një sherri mes të rinjve për motive të dobëta.

Në pranga ka përfunduar Halit Ullorja, 30 vjeç, si dhe shpallën në kërkim vëllanë e tij, G. U., 26 vjeç, të dy banues në Kavajë. Sipas policisë dy vëllezërit kanë dhunuar fizikisht dhe më pas kanë goditur me makinë mjetin që drejtonte 25-vjeçari Letjan Lushkaj.

Pas hetimeve policia ka arrestuar edhe 25-vjeçarin pasi nga verifikimet rezultoi se e drejtonte automjetin, në gjendje të dehur.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.