U hapte profile false denigruesve qytetarëve dhe kërkonte 1 mijë euro t’i fshinte, arrestohet i riu në Tiranë

Aktualitet | 3 vite më parë

Një 22-vjeçar është arrestuar pasi akuzohet se u kërkonte para qytetarëve të ndryshëm për të fshirë profilet false që po ai vetë ua hapte duke denigruar imazhin e tyre.

Sipas policisë i riu merrte fotografi dhe video të personave të ndryshëm në rrjete sociale, të cilat i publikonte në profile false, me shprehje fyese dhe denigruese. Më pas ai kërcënonte qytetarët se për fshirjen e këtyre postimeve, kërkonte shuma parash që shkonin deri në 1000 euro.

Në pranga ra 22-vjeçari E. Xh., banues në Tiranë.

Gjatë hetimeve është dokumentuar edhe një ngjarje e vjetër nga Sektori për Hetimin e Krimeve Kibernetike ku autor ishte pikërisht i riu.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.