Dy persona janë arrestuar nga blutë e kryeqytetit në kuadër të operacionit kombëtar “Tempulli 2”.

Një 33-vjeçar dhe një 22-vjeçar ishin shpallur në kërkim për veprën penale “Prodhimi dhe shitja e narkotikëve”. 

Policia ka bërë me dije se ka shkuar në 77 numri i personave të ndaluar në kuadër të megaoperacionit.

Blutë kanë sekuestruar në total 14 kg kanabis, 5.3 kg kokainë, 170 gramë heroinë, 11 peshore elektronike, 4 armë zjarri pistoleta, 1 armë zjarri automatik, 70 celularë, 11 automjete, 2 186 000 lekë, 11 610 euro dhe 630 paund.

“Shërbimet e Seksionit për Hetimin e Narkotikëve, bazuar në informacionet e siguruara mbi vendndodhjen e dy shtetasve të shpallur në kërkim në kuadër të megaoperacionit “Tempulli 2”, menjëherë kanë vijuar kontrollet intensive për kapjen dhe vënien e tyre përpara përgjegjësisë ligjore.

Si rezultat, u kapën dhe u ndaluan shtetasit J. B., 33 vjeç dhe A. N., 22 vjeç, të dy banues në Tiranë”, thuhet në njoftim.

/rtsh.al/