U kapën me arsenal armësh dhe targa të vjedhura, arrestohet 25-vjeçari në Kurbin, në kërkim babai i tij

Aktualitet | 3 vite më parë

Një 25-vjeçar është arrestuar pasi u kap me arsenal armësh dhe targa të vjedhura në banesën e tij, ndërsa është shpallur në kërkim i ati.

Gjatë kontrollit të banesës së tyre në Kurbin, u gjetën 2 armë zjarri pistoleta dhe municion luftarak, 1 armë gjahu teke (Berreta) dhe një sasi fishekësh për armë gjahu, 1 palë dylbi si ato të armës së zjarrit snajper, 2 palë dylbi, 2 automjete dhe 2 targa franceze të dyshuara të vjedhura, si dhe një sasi bizhuterish të dyshuara të vjedhura.

Në pranga përfundoi Geri Rizvani(Lika), 25 vjeç, ndërsa është shpallur në kërkim i ati Zyhdi Lika, 48 vjeç.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.