Lëvizte me stemat e policisë dhe pistoletë imituese, arrestohet 30-vjeçari në Tiranë

Aktualitet | 3 vite më parë

Një 30-vjeçar është arrestuar pasi lëvizte në Tiranë me stemat dhe portofolat e policisë dhe pistoletë imituese.

Në pranga përfundoi 30-vjeçari S.S., i cili lëvizte në kryeqytet me mjetin e tij tip “Benz”, ku gjatë kontrollit iu gjetën një pistoletë imituese, një mjet prerës, dy stema dhe një portofol si ato të Policisë.

Lokalizimi I tij u bë në rrugën “Siri Kodra”, ndërsa policia e vuri në pranga gjatë operacionit të koduar “The night”.

Në vijim të veprimeve u bë arrestimi në flagrancë i tij dhe materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.