Aksident i rëndë në Shkodër-Velipojë, humb jetën 4-vjeçari

Aktualitet | 3 vite më parë

Një aksident i rëndë ka ndodhur në aksin Shkodër- Velipojë ku ka humbur jetën një 4-vjeçar. Sipas policisë, në aksident janë përfshirë dy automjetet në aksin “Shkodër-Velipojë”. Dy drejtuesit e automjeteve janë në spital nën kujdesin e mjekëve.

“Rreth orës 13:00, në aksin rrugor “Shkodër-Velipojë”, në vendin e quajtur “Pulaj-Plazh”, automjeti me drejtuese shtetasen K. B., 22 vjeçe, është përplasur me automjetin me drejtues shtetasin P. C., 38 vjeç.

Nga përplasja e automjeteve ka humbur jetën një 4-vjeçar, ndërsa shtetasit e tjerë të dëmtuar janë në kujdesin e mjekëve”, thuhet në njoftimin e policisë.

Ndërkaq, në vendngjarje ndodhet grupi hetimor, i cili po punon për sqarimin e rrethanave të aksidentit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.