Reshjet e dëborës do të vijojnë deri mëngjesin e së dielës në zonat malore të vendit.

Meteorologia e RTSH-së, Rezarta Xhakollari thotë se duke nisur nga e diela temperaturat do të pësojnë rënie të ndjeshme.

“Sot pasdite dhe në mbrëmje, reshjet e borës do të zhvendosen drejt juglindjes së vendit tonë, në zonën e Korçës, Pogradecit deri në skajet më jugor. Nesër, temperaturat minimale do të zbresin deri në -10 gradë Celcius në veri por edhe zona e ulët dhe bregdetare do të zbresë në vlera 0 deri në 3 gradë”, tha Xhakollari.

Fillimi i javës do të karakterizohet nga mot i kthjellët, por i ftohtë, me ngrica e akull sidomos në veri.

“ Dita e hëna do të jetë një nga ditët më të ftohta të janarit. Parashikohet që termomentri të zbresë në vlerat -14 gradë në zonat malore. Thuajse i gjithë vendi të jenë në grica por do të jetë kthellët. Do të ndërpriten reshjet në të gjithë vendin. Të martën priten të rikthehen reshjet e borës, por do të jenë të pakta”, shtoi ajo.

Në gjysmën e dytë të javës temperaturat do të kthehen në vlerat e tyre normale për muajin janar, ku në veri vlerat maksimale do të jenë 4 gradë Celcius dhe do të arrin 13 gradë Celcius në bregdet. 

Gazetare: Albana Agolli

/rtsh.al/