Moti i keq, situatë problematike në aksin malor Vaudejes-Pukë-Kukës, në Qafë Mali dëbora deri në 50 cm. Rrezik për ortekë

Aktualitet | 3 vite më parë

Moti i keq vijon në të gjithë vendin, ndërsa situata problematike paraqitet në Pukë, kryesisht në aksin malor Vaudejes-Pukë-Kukës, Ura e Çerenecit-Bulqizë. Sipas ARRSH-së, në Qafë Mali dëbora ka arritur deri 40-50cm trashësi.

ARRSH njofton se në terren po punohet me 4 borëpastruese, por qarkullimi kryhet me vështirësi, sidomos në segmentin Fierzë-Qafë Shllak. Kjo edhe për shkak të erës së fortë që e përhap borën nga bankina në rrugë, duke sjellë edhe prezencë të ortekëve, çka vështirëson punën e borëpastrueseve

ARRSH rekomandon përdorimin e zinxhirëve si dhe shmangien e këtyre akseve nga drejtuesit e mjeteve deri në qetësimin e situatës.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.