Të shtëna me armë në Tiranë, qëllohet drejt një automjeti

Aktualitet | 3 vite më parë

Të shtëna me armë janë regjistruar mëngjesin e sotëm (14 dhjetor) në kryeqytet, në zonën e Don Boskos.

Sipas informacioneve paraprake, një 42-vjeçar ka kallëzuar në Polici se persona ende të paidentifikuar kanë qëlluar drejt automjetit që ai drejtonte. Nga të shtënat nuk ka persona të lënduar.

Sakaq, grupi hetimor po punon për sqarimin e rrethanave të ngjarjes, identifikimin dhe kapjen e autorit.

“Më datë 14.12.2023, është paraqitur në Komisariatin e Policisë Nr. 3, shtetasi R. Z., 42 vjeç, i cili ka kallëzuar se në rrugën “Don Bosko”, rreth orës 06:45, një shtetas ende i paidentifikuar ka qëlluar me armë zjarri në drejtim të automjetit që drejtonte. Nga të shtënat me armë zjarri nuk ka persona të dëmtuar”, thuhet në njoftim.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.