Grabitet një argjendari në Kamëz, 3 autorët të maskuar marrin bizhuteritë dhe largohen

Aktualitet | 3 vite më parë

Një argjendari ka rënë pre e një grabitje në Kamëz, pasditen e kësaj të marte (28 nëntor). Në një njoftim për mediat, Policia bën me dije se ngjarja u regjistrua në rrugën “Nënë Tereza”, rreth orës 17:15, ku tre persona të maskuar, nën kërcënimin e automatikut, kanë marrë disa bizhuteri.

Ata më pas janë larguar me një automjet tip “BMW”. Policia bën me dije se janë ngritur pikat e përkohshme të kontrollit në qarqet Tiranë, Durrës, Lezhë, Kukës dhe Shkodër.

Po ashtu, sipas policisë, për këtë rast është krijuar një grup i posaçëm hetimor me specialistë të strukturave të posaçme të luftës kundër krimeve të rënda.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.