Një 25-vjeçar është vendosur në pranga nga policia e Sarandës pasi ishte shpallur në kërkim për plagosje.

 “Policia e Sarandës, pas informacioneve të siguruara nga inteligjenca policore, për vendndodhjen e një shtetasi të shpallur në kërkim për plagosje, kanë finalizuar operacionin policor të koduar “Ëanted”, si rezultat i të cilit u lokalizua, u kap dhe u vu në pranga shtetasi Jani Rraku, 25 vjeç, banues në Kalasë, Delvinë”, thuhet në njoftimin e policisë.

 I riu kishte plagosur me thikë 40-vjeçarin, Erion Xhuvani banues në Sarandë i cili ndodhet jashtë rrezikut për jetën.

Sipas policisë, ngjarja ndodhi për shkak të një konflikti të çastit, “në shëtitoren e Sarandës, ky shtetas ka plagosur me thikë shtetasin Erion Xhuvani, 40 vjeç, banues në Sarandë, i cili është jashtë rrezikut për jetën”

“Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme”, thuhet më tej në njoftimin e policisë.

/rtsh.al/