Gërryente me mjete të rënda shtratin e lumit Mat, arrestohet 67-vjeçari

Aktualitet | 3 vite më parë

Një 67-vjeçar ka rënë në prangat e Policisë këtë të shtunë (26 gusht), i akuzuar për shfrytëzim të paligjshëm të inerteve të lumenjve.

Nëpërmjet një njoftimi, Policia bën me dije se 67-vjeçari me inicialet Gj. K. administrator i një subjekti, gërryente me mjete të rënda shtratin e lumit Mat. Në momentin e kontrolleve nga Policia, ai ka kundërshtuar efektivët, për të mos lejuar të kryenin detyrën e tyre.

Në cilësinë e provës materiale u sekuestruan 3 kamionë të mbushur me materiale inerte dhe 1 ekskavator.

Materialet procedurale i kaluan Prokurorisë pranë Gjykatës Shkallës Parë të Juridiksionit të Përgjithshëm Lezhë, për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.