Sarandë/ Mbajti peng 6 turistë italianë pasi pretendoi se i kishin dëmtuar pajisjet e apartamentit me qira, arrestohet 59-vjeçari

Aktualitet | 3 vite më parë

Një 59-vjeçar nga Kosova është arrestuar në Sarandë këtë të enjte, pasi akuzohet se mbajti peng 6 turistë. Në një njoftim për mediat, Policia bën me dije se 59-vjeçari me inicialet J. A., banues në Prishtinë, mbajt peng për rreth 1 orë turistët në banesën që i kishte dhënë me qira, duke pretenduar se ata i kishin dëmtuar disa pajisje.

Në videon e publikuar nga Policia, dëgjohen turistët teksa i kërkojnë 59-vjeçarit që të hapë derën dhe t’i lërë ata të largohen, ndërsa ai i kërkon që fillimisht të paguajnë për dëmin e pretenduar.

Pas ndërhyrjes së Policisë është bërë lirimi i 6 turistëve, ndërsa është arrestuar 59-vjeçari.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme, për veprën penale “Heqja e paligjshme e lirisë”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.