Rinas/ I dehur në avion dhe sherr me pasagjerët, arrestohet 23-vjeçari

Aktualitet | 3 vite më parë

Një 23-vjeçar është vënë në prangat e Policisë pasi është konfliktuar me pasagjerët në avion. Shërbimet e policisë kufitare të Rinasit kanë marrë njoftimin se personi në gjendje të dehur është konfliktuar me pasagjerët gjatë fluturimit me avion.

Pas ndërhyrjes së policisë, 23-vjeçari ka kundërshtuar me dhunë edhe efektivët.

Ndërkaq, policia ka nisur hetimet edhe për një 49-vjeçar, i cili ka tentuar të korruptojë me një kartëmonedhë 50-euroshe punonjësit e Policisë, që të dilte nga Shqipëria për në Itali.

49-vjeçari ishte i pajisur me aktin e refuzimit të daljes, sepse në vitin 2021 ishte dëbuar nga Greqia.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.