Fluksi i madh i pushuesve në Shëngjin, Vainë e zonat përgjatë vijës bregdetare të qarkut të Lezhës, ka krijuar një rradhë shumë të gjatë me makina në aksin rrugor Balldre- Milot, teksa ata po kthehen në shtëpitë e tyre.

Burime policore bëjnë të ditur se për shkak të largimit të pushuesve nga plazhet e Lezhës, në mesditën e së dielës është krijuar një trafik i renduar, në segmentin Balldre- Milot, si dhe në rrugën e Shëngjinit.

Numri i madh i automjeteve që po lëvizin në këtë aks rrugor ka krijuar një situatë kaosi në lëvizje, duke sjellë për pasjë rradhë kilometrike.

I gjithë segmenti po monitorohet nga Policia Rrugore, e cila është zhvendosur në të gjithë kryqëzimet dhe degëzimet problematike për të parandaluar bllokimin e trafikut, si dhe për të siguruar lëvizshmërinë e mjeteve dhe parandalimin e ecjes së makinave në shkelje të Kodit Rrugor.

Rradhë të gjata makinash janë vënë re edhe në disa akse të tjera rrugore si në rrethrotullimin e Brandasheshit, atë të Pogradecit në drejtim të Elbasanit, por dhe Peqin- Elbasan.

/rtsh.al/