Drejtor i Programit të Asistencës për Antiterrorizmin i DASH (ATA), Timothy Leeds dhe menaxheri i programit, James Dohert, janë takuar me zyrtarë në Ambasadën e SHBA në Tiranë dhe Drejtorin e Policisë, Muhamet Rrumbullaku.

Në takimin e mbajtur me këtë të fundit, zyrtarët amerikanë kanë dhënë një pajisje për Policinë e Shtetit, ndërsa në fokus të bisedës ishte mënyra si ATA të vijojë mbështetjen e zbatimit të ligjit në Shqipëri.

Gjatë vizitës së tyre, zyrtarët e ATSH-së u takuan edhe me Drejtorin e Kundër-Terrorizmit, Alban Dautaj për të vizituar zyrat e tyre dhe diskutuan se si kurset e mëparshme të trajnimit kanë përfituar nga operacionet kundër terrorizmit në Shqipëri. Vizita theksoi bashkëpunimin e fortë mes Zyrës së Sigurisë Rajonale të Ambasadës Amerikane dhe Policisë së Shtetit Shqiptar.

Që nga viti 2016, programi i Asistencës në Shërbimin e Sigurisë Diplomatike nëpërmjet Zyrës Rajonale të Sigurisë në Ambasadë, ka dhuruar miliona dollarë pajisje dhe ka ofruar trajnime të shumta për Policinë e Shtetit për të përmirësuar aftësitë e saj në fushën e antiterrorizmit, krimit kibernetik dhe mjekësisë ligjore dixhitale.

/rtsh.al/