Caktohet masa e sigurisë ndaj Dritan Goxhajt, 40 ditë burg për ish-luftëtarin e UÇK-së

Aktualitet | 3 vite më parë

Gjykata e Tiranës ka caktuar masën e sigurisë arrest në burg me afat 40 ditë ndaj Dritan Goxhajt, i cili u arrestua pak ditë më parë në kryeqytet, me urdhër të Gjykatës Speciale pas intervistave rreth dëshmitarëve mbi luftën e Ushtrisë Çlirimtare të Kosovës.

Goxhaj u arrestua të hënën nga Policia e Tiranës. Ai akuzohet për intimidim të dëshmitarëve nga Gjykata Speciale me seli në Hagë.

Ndërkaq, autoritetet shqiptare kanë kërkuar informacion shtesë nga Kosova në lidhje me akuzat e ngritura në ngarkim të ish-ushtarit të Ushtrisë Çlirimtare të Kosovës.

Nga ana e tij, Dritan Goxhaj ka pretenduar se nuk ka bërë asgjë të paligjshme përveç disa shkrimeve të publikuara në rrjetet sociale. Ndërsa Gjykata Speciale ka kërkuar ekstradimin e tij.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.