Kërkoi lirinë në Gjykatën e Lartë, Beleri humbi “betejën e fundit”, mbetet në burg

Aktualitet | 3 vite më parë

Gjykata e Lartë rrëzoi të martën kërkesën për liri të kryetarit të zgjedhur të bashkisë Himarë, Fredi Beleri.

Beleri akuzohet për shit-blerje votash dhe mesditën e së martës kërkoi një masë më të butë sigurie se ajo e arrestit, por trupi gjykues ia hodhi poshtë, duke e lënë sërish në burg.

Më herët Gjykatat e Posaçme, ajo e shkallës së parë dhe e Apelit kanë rrëzuar kërkesat e kryebashkiakut të zgjedhur më 14 maj teksa mbahej në paraburgim.

Fredi Beleri u arrestua dy ditë para zgjedhjeve vendore të 14 majit, nën dyshimet se kishte ofruar para për vota në favor të tij. Hetimet nisën pas sinjalizimeve të marra nga policia dhe denoncimit në Prokurorinë e Vlorës të një qytetari nga Himara.

Gazetare: Flutura Tota

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.