Aksident i rëndë në Himarë/ Humb jetën shoferi i agjencisë turistike, plagosen tre turistë

Aktualitet | 3 vite më parë

Një aksident me pasojë vdekjen ka ndodhur ditën e sotme në Himarë.

Një makinë e një agjencie turistike ka dalë nga rruga dhe për pasojë ka humbur jetën shoferi i saj, ndërsa janë plagosur tre turistë të huaj.

Sipas policisë, aksidenti ka ndodhur në fshatin Shën Vasil dhe viktimë ka mbetur Renato Bushi, nga qyteti i Sarandës.

“Në fshatin “Shën Vasil” , Himarë, ka dalë nga rruga një automjet që drejtohej nga shtetasi R.B, 40 vjeç, banues në Sarandë.

Si pasojë e daljes së automjetit nga rruga ka humbur jetën drejtuesi i automjetit, shtetasi R.B. Si dhe janë dëmtuar dhe transportuar në spital për ndihmë mjekësore dy shtetas që ishin pasagjerë në këtë automjet”, thuhet në njoftimin e policisë.

Ndërkaq, grupi hetimor ndodhet në vendin e ngjarjes dhe po punon për zbardhjen e rrethanave.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.