Beleri në Gjykatën e Lartë/ Kërkesa për lirim nga burgu do të shqyrtohet më 25 korrik

Aktualitet | 3 vite më parë

Kryetari i zgjedhur i Bashkisë së Himarës, Fredi Beleri kërkon të shterojë të gjitha shkallët e drejtësisë për zbutjen e masës së “arrestit me burg” të caktuar për të. Kërkesa e depozituar nga avokatët mbrojtës në Gjykatën e Lartë do të shqyrtohet të martën e 25 korrikut.

Shorti është hedhur kur Belerit i është refuzuar në gjykatat e mëposhtme për të pestën herë kërkesa e tij për tu liruar.

Prej 12 majit ai po mbahet në qeli pasi prokuroria po e heton për akuzën e shitblerjes së votës.

Masa e arrestit në burg po e pamundëson Belerin të kryejë ceremoninë e betimit dhe marrjen zyrtarisht të detyrës së kryebashkiakut të Himarës.

Gazetar: Kreshnik Mersinllari

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.