Balluku në Nju Jork, takim me ndihmëssekretaren e përgjithshme të OKB-së Zivkoviç

Aktualitet | 3 vite më parë

Zëvendëskryeministrja, njeherësh ministre për Infrastrukturën dhe Energjinë, Belinda Balluku u takua në New York, me Ivana Zivkoviç, Ndihmë Sekretare e Përgjithshme e Kombeve të Bashkuara.

Sikurse njofton zonja Balluku në rrjetet sociale, gjatë takimit u diskutua për procesin e rindërtimit pas tërmetit 26 nëntorit 2019, ku UNDP ka dhënë mbështetje të vyer për ndërtimin e 64 njësive arsimore.

Zonja Balluku dhe zonja Zivkovic, kanë diskutuar edhe mbi Objektivat e Zhvillimit të Qëndrueshëm dhe progresin e Shqipërisë, veçanërisht në sektorin e energjisë dhe atë të turizmit.

“Shkëmbyem mendime mbi mundësitë e reja të bashkëpunimit, duke vlerësuar veçanërisht mbështetjen e OKB-së dhe UNDP-s për reformat e ndërmarra, në kuadër të procesit të integrimit dhe anëtarësimit në Bashkimin Europian” shkruan zonja Balluku.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.