Lezhë, zjarret pakësojnë fondin pyjor

Aktualitet | 3 vite më parë

Zjarret janë shkaku kryesor i paksimit të pyjeve në rajonin e Lezhës.

Vetëm gjatë vitit 2021 dhe 2022 janë shënuar 837 vatra zjarri në pyje e kullota të cilat kanë përshkuar rreth 1700 hektarë dhe djegur plotësisht rreth 800 hektarë.

Pjesa më e madhe e vatrave të zjarrit kanë qenë të qëllimshme për të hapur kullota të reja apo dhe qëllime të tjera, thotë për RTSH përgjegjësi Mbrojtjes Civile në Prefekturen e Lezhës Nikoll Tushi.

Përballë kësaj situate, mbrojtja civile u bën thirrje organeve ligjzbatuese të identifikojnë gjetjen e autoreve të zjarrvënieve dhe ti ndëshkojnë ata konform ligjit.

Sipas të dhënave zyrtare më shumë se 10 mijë hektarë pyje janë reduktuar gjatë 20 viteve të fundit në Qarkun e Lezhës, ndërsa në tre vitet e fundit ka vetëm një përson të dënuar nga gjykata për zjarrvënie të qëllimshme.

/ rtsh /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.