Punonjësi humbi jetën në punë, arrestohet administratori i fasonerisë në Thumanë

Aktualitet | 3 vite më parë

Policia ka vënë në pranga administratorin i një fasonerie në Fushë Thumanë, pasi një ditë më parë, një i ri punëtor në këtë fasoneri u aksidentua për vdekje në ambientet e punës.

Policia arrestoi F. K., 48 vjeç, banues në Krujë për shkelje të rregullave në punë, ndërsa grupi hetimor vijon punën për sqarimin e plotë të rrethanave të ngjarjes.

“Specialistët për Hetimin e Krimeve të Komisariatit të Policisë Krujë arrestuan shtetasin F. K., 48 vjeç, banues në Krujë, administrator i një fasonerie në Fushë Thumanë, pasi ditën e djeshme, në këtë fasoneri, shtetasi T. D., 33 vjeç, duke punuar me një makineri, është goditur nga një pjesë e makinerisë dhe për pasojë ka humbur jetën”, njofton policia.

33 vjeçari i identifikuar si T.D punonjës i një fasonerie në Thumanë ndërroi jetë pasi u godit një tranxhë gjatë punës.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.