Policia e Krujës ka vënë në pranga një 52-vjeçar pasi kultivoi bimë narkotike në Kodër-Mazhë, ndërsa ka asgjësuar 500 bimë kanabis të kultivuara në afërsi të një banese.

Blutë e Krujës kanë finalizuar fazën e 16-të të operacionit të koduar “Territor i pastër”, teksa kanë arrestuar autorin e kultivimit të 500 bimëve të lëndëve narkotike.

Sipas Policisë “Si rezultat i kontrollit të ushtruar në kuadër të fazës së 16-të të megaoperacionit policor antikanabis të koduar “Territor i pastër”, në afërsi të banesës së shtetasit A. H., në Kodër-Mazhë, Krujë, u gjetën të kultivuara 500 bimë të dyshuara narkotike cannabis sativa, të cilat u asgjësuan me anë të djegies. Në vijim të veprimeve u bë arrestimi në flagrancë i shtetasit A. H., 52 vjeç, banues në Mazhë e Vogël, Krujë”.

Në pranga ka rënë 52-vjeçari A. H, banues në Mazhë e Vogël, Krujë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

/rtsh.al/