Sot zgjidhet kreu i RTSH, Këshilli Drejtues zhvillon dëgjesat me 4 kandidatët

Aktualitet | 3 vite më parë

Këtë të martë (13 qershor) Këshilli Drejtues i RTSH zhvillon dëgjesat me 4 kandidatët e kualifikuar për Drejtor të Përgjithshëm të Radiotelevizionit Shqiptar.

Në garë për kreun e RTSH garuan 6 kandidatë, por vetëm 4 prej tyre u kualifikuan me votim të fshehtë nga anëtarët e Këshillit Drejtues.

Kandidatët e kualifikuar janë Alfred Peza, Enrik Mehmeti, Helidon Haliti dhe Laureta Roshi, të cilët sipas ligjit kanë 15 minuta kohë secili për të shpalosur platformën e tyre para Këshillit Drejtues.

Gjithashtu secili nga kandidatët do t’u përgjigjet pyetjeve të anëtarëve të Këshillit Drejtues për 15 minuta të tjera.

Pas dëgjesës së kandidatëve anëtarët e Këshillit Drejtues të RTSH do të zhvillojnë sërish votim të fshehtë për të zgjedhur Drejtorin e Përgjithshëm të RTSH-së.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.