Fshehu në tavanin e autobusit 99 700 euro, arrestohet 37-vjeçari në Portin e Durrësit

Aktualitet | 3 vite më parë

Arrestohet nga Policia Kufitare e Durrësit një 37-vjeçar pasi fshehu në tavanin e autobusit Bari-Durrës 99 mijë e 700 euro të ndara në 8 paketime.

Në hyrje të Shqipërisë, Policia ka kaluar në vijën e dytë për kontroll më të detajuar, autobusin “Scania” të linjës Durrës-Bari-Durrës, ku kanë konstatuar në tavanin e autobusit 8 paketime me kartëmonedha në euro, gjithsej 99 700 euro, të cilat u sekuestruan në cilësinë e provës materiale.

Policia sqaron se “Në vijim të veprimeve të para hetimore të kryera nga specialistët për Hetimin e Krimeve Ekonomike dhe Financiare të Drejtorisë Vendore të Policisë Durrës, u bë arrestimi në flagrancë i shtetasit E. Rr., 37 vjeç, banues në Durrës, për veprën penale “Mosdeklarimi në kufi i të hollave dhe i sendeve me vlerë”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.