Helmimi i banorëve në Gjoricë, uji i pijshëm u përzje me ujërat e zeza

Aktualitet | 3 vite më parë

Devijimi i ujërave të zeza të fshatit Ostren i Vogël dhe derdhja e tyre në ujëmbledhësin e një HEC-i dyshohet se ishte shkak për helmimin masiv të banorëve të Gjoricës në Bulqizë.

Për helmimin e banorëve të Gjoricës është proceduar penalisht administratori i HEC-it Kadri Muça, i dyshuar se përfshiu ujërat e zeza të Ostrenit të Vogël me burimin e ujit të pijshëm për Gjoricën.

Grupi hetimor nën drejtimin e Prokurorisë dhe në bashkëpunim me Drejtorinë Rajonale të AKU-së tha se montimi i një tubi plastik kishte sjellë përzierjen e ujërave të pijshëm të fshatit me ujërat e zeza.

Gazetare: Amela Koçerri

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.