Policia operacion anti-drogë në Lezhë, asgjësohen 3 mijë fidanë kanabis

Aktualitet | 3 vite më parë

Policia ka zhvilluar një operacion në Lezhë, ku janë asgjësuar 3 mijë fidanë kanabis. Nëpërmjet një njoftimi për mediat, policia bën me dije se bimët narkotike u gjetën në territorin e fshatit Ungrej, në kubikë, të gatshëm për t’u kultivuar në tokë.

Kjo ishte faza e pestë e operacionit, ndërsa gjatë 4 fazave të mëparshme, në fshatra të ndryshëm të qarkut, u asgjësuan në total 849 fidanë narkotikë dhe u vunë në pranga 2 autorë të kësaj veprimtarie kriminale.

Policia e Lezhës, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Lezhë, vijon veprimet hetimore, me qëllim identifikimin dhe arrestimin e autorit/ëve të kësaj veprimtarie kriminale.

Materialet procedurale i kaluan Prokurorisë, për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.