28-vjeçari Jani Rustemi i cili u arrestua më datën 12 prill pasi u kap në flagrancë duke vjedhur në një garazh në rrugën e Kavajës në kryeqytet, ka ndërruar jetë në spital.

Pas arrestimit të Rustemit, familjarët e tij pretenduan se brenda ambienteve të paraburgimit është ushtruar dhunë ndaj djalit të tyre.

“Jani Rustemi që ishte i shtruar në Reanimacionin Qendror në QSUT, dhe në ora 16:20 ka ndërruar jetë, konfirmuar nga Mjeku.

Rustemi është i datëlindjes 15.04.1995 lindur e banues në Tiranë, me gjendje civile i martuar, ka dy fëmijë, arrestuar më 12.04.2023 për “Vjedhje” dhe me gjendje gjyqësore i dënuar më parë”, thuhet në njoftimin për mediat.  

Agjencia e Mbikëqyrjes Policore nisi një hetim dhe për ngjarjen u njoftua Prokuroria, Komisariati i Policisë dhe Specialistin e ShKBSB për veprime të metejshme hetimore.

I riu ishte shtruar  në Reanimacionin Qendror të QSUT-së në gjendje të rënduar shëndetësore dhe ditën e sotme ka ndërruar jetë.

“28-vjeçari  ishte i shtruar në Reanimacionin Qendror të QSUT-së në gjendje të rënduar shëndetësore në koma pasi vuan nga “Bradipne humbje koshience, acidozë e thellë respiratore”.

Për ngjarjen u njoftua Prokuroria, Komisariti i Policisë dhe Specialistin e ShKBSB për veprime të metejshme hetimore”, thuhet më tej në njoftim.

28-vjeçari Rustemi ishte i martuar dhe baba i dy fëmijëve.

/rtsh.al/