Vodhi filialin e një poste në Tiranë, arrestohet 27-vjeçari

Aktualitet | 3 vite më parë

Autori i vjedhjes së një filiali poste në Tiranë të mërkurën (17 maj) është vënë në prangat e Policisë.

Nëpërmjet një njoftimi, Policia bën me dije se është arrestuar 27-vjeçari me inicialet O. M.. I riu hyri në filialin e një poste private në rrugën “5 Maji”, ku mori xhiron ditore duke kanosur me thikë, punonjësin e postës, dhe më pas u largua me motor.

Shuma e parave të vjedhura u sekuestrua në cilësinë e provës materiale, ndërsa materialet proceduale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprat penale “Vjedhja me dhunë” dhe “Mbajtja pa leje e armëve të ftohta”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.