Një 52 vjeçar u arrestua pasi u kap në flagrancë duke i marrë me anë të mashtrimit, 70 000 euro, një biznesmeni.

Arrestimi është kryer në kuadër të operacionit të koduar “Arkitekti” në vazhdën e 4 operacioneve të tjera të finalizuara gjatë 5 muajve të fundit, 

“52-vjeçari përdorte rrjetet sociale për t’iu kërkuar shuma të mëdha parash biznesmenëve, pasi iu prezantohej atyre si zyrtar i lartë i një institucioni shtetëror

“Policia arrestoi në flagrancë shtetasin Sh. H., 52 vjeç, banues në Tiranë, gjatë kohës që po i merrte shumën 70 000 euro, një shtetasi (biznesmen), të cilin e kishte mashtruar në komunikimet në rrjetet sociale, duke iu prezatuar si zyrtar i lartë i një institucioni shtetëror” informoi policia e shtetit.

 Shuma 70 000 euro u sekuestrua në cilësinë e provës materiale, së bashku me një automjet dhe një aparat celular.   

Nga veprimet hetimore dyshohet se 52-vjeçari ka mashtruar edhe shtetas të tjerë, në komunikimet në rrjetet sociale, duke i kërkuar para atyre, pasi iu prezantohej si zyrtar i lartë i një institucioni shtetëror.   

Në këtë operacion u angazhuan Njësia “E” për Hetimin e Krimeve Ekonomike dhe Financiare në Drejtorinë Hetimore në Departamentin e Policisë Kriminale në DPPSH, Policia Tiranë dhe Drejtoria e Forcës së Posaçme Operacionale në Policinë e Shtetit nën drejtimin e Prokurorisë së Tiranës.
Materialet i kaluan Prokurorisë së Tiranës, për veprën penale “Mashtrimi”.  

/rtsh.al/